பிரான்சின் (France) வானிலையில் தற்போதுள்ள குளிர்ந்த காலநிலை மாறி மிகப்பெரிய மாற்றம் ஏற்படவுள்ளது. மே இருபதாம் (20) தேதி புதன்கிழமை முதலும், குறிப்பாக இந்த வார இறுதியிலும் (Fin de semaine) நாட்டின் வெப்பநிலை (Températures) வெகுவாக உயரவுள்ளது. அசென்ஷன் (Ascension) தொடர் விடுமுறை நாட்களில் நிலவிய குளிர்ந்த வானிலைக்குப் பிறகு, பிரான்ஸ் முழுவதும் தற்போது மிதமான வெப்பம் (Chaleur) பரவவுள்ளது.

இன்று மே பத்தொன்பதாம் (19) தேதி செவ்வாய்க்கிழமையன்று பிரான்சின் பெரும்பாலான பகுதிகளில் லேசான மழை (Faiblement pluvieux) பெய்யக்கூடும். சென் (Seine) நதியின் வடக்கே மணிக்கு நாற்பது (40) முதல் ஐம்பது (50) கிலோமீட்டர் (Km) வேகத்திலும், மான்ச் (Manche) கடலோரப் பகுதிகளில் மணிக்கு அறுபது (60) கிலோமீட்டர் வேகத்திலும் தென்மேற்கு திசையிலிருந்து காற்று வீசும். இருப்பினும், அதிகபட்ச வெப்பநிலை சிறுகச் சிறுக உயரத் தொடங்கும். வடக்கில் பதினைந்து (15) முதல் பத்தொன்பது டிகிரி செல்சியஸ் (19°C) வரையும், தெற்கே செல்லச் செல்ல பதினெட்டு (18) முதல் இருபத்து மூன்று டிகிரி செல்சியஸ் (23°C) வரையும், மத்திய தரைக்கடல் (Méditerranée) பகுதிகளில் ஆங்காங்கே இருபத்து நான்கு (24) முதல் இருபத்து ஆறு டிகிரி செல்சியஸ் (26°C) வரையும் வெப்பநிலை பதிவாகும் என எதிர்பார்க்கப்படுகிறது.

இந்த வார இறுதியானது கோடைக்காலத்தை (Ambiance estivale) நினைவூட்டும் வகையில் அமையவுள்ளது. பிஸ்கே வளைகுடாவில் (Golfe de Gascogne) உருவாகும் உயர் அழுத்த நிலையால் (Hautes pressions), ஸ்பெயினின் (Espagne) தென்பகுதியிலிருந்து வரும் வெப்பக் காற்று (Air chaud) பிரான்சை நோக்கி நகரும் என வானிலை ஆய்வாளர்கள் தெரிவித்துள்ளனர்.

ஸ்பெயினின் (Espagne) தென்மேற்குப் பகுதிகளில் வெப்பநிலை முப்பத்து ஆறு (36) முதல் முப்பத்து எட்டு டிகிரி செல்சியஸ் (38°C) வரை பதிவாகும் என வானிலை மாதிரிகள் (Modèles météo) கணிக்கின்றன. அங்கு இந்த வார இறுதியில் வெப்பமண்டல இரவுகளும் (Nuits tropicales) ஏற்பட வாய்ப்புள்ளது; அதாவது இரவில் கூடக் குறைந்தபட்ச வெப்பநிலை இருபது டிகிரி செல்சியஸிற்கு (20°C) கீழே குறையாது. இந்த வெப்பக் காற்றின் தாக்கத்தால், மே இருபத்து இரண்டாம் (22) தேதி வெள்ளிக்கிழமையன்று பிரான்சின் தென்மேற்குப் பகுதிகளில் (Sud-ouest) அதிகபட்ச வெப்பநிலை முப்பத்து ஐந்து டிகிரி செல்சியஸைத் (35°C) தொடலாம் அல்லது அதனைத் தாண்டவும் வாய்ப்புள்ளது. அதேபோல நாட்டின் வடப்பகுதிகளில் (Nord) வெப்பநிலை முப்பது டிகிரி செல்சியஸை (30°C) எட்டும் என எதிர்பார்க்கப்படுகிறது.