வானொலி
வலையொலி
துயர்பகிர்வு
விளம்பரம்
காதல், சந்தேகம், கொடூர முடிவு… இலங்கையை அதிரவைத்த குடும்ப துயரம்
10 hours ago
காதல், சந்தேகம், கொடூர முடிவு… இலங்கையை அதிரவைத்த குடும்ப துயரம்!”
இலங்கையை அதிர்ச்சிக்குள்ளாக்கிய கொடூர குடும்ப சம்பவம் ஒன்று தற்போது பெரும் பரபரப்பை ஏற்படுத்தியுள்ளது.
தனது மனைவியின் மீது பெட்ரோல் ஊற்றி தீ வைத்ததாக குற்றம் சாட்டப்பட்ட கணவர் ஒருவர் பொலிஸாரால் கைது செய்யப்பட்டுள்ளார்.
இந்த அதிர்ச்சி சம்பவம் கடந்த 18ஆம் தேதி மாலை இடம்பெற்றதாக தெரிவிக்கப்படுகிறது. மீகஹவத்த – அங்கொட பகுதியைச் சேர்ந்த 41 வயதுடைய சந்தேகநபர், முச்சக்கரவண்டியில் வந்து தனது மனைவியின் தலையில் பெட்ரோல் ஊற்றி தீ வைத்துவிட்டு அங்கிருந்து தப்பிச் சென்றுள்ளார்.
தீக்காயமடைந்த பெண் உடனடியாக வைத்தியசாலையில் அனுமதிக்கப்பட்டார்.
தற்போது அவர் கொழும்பு தேசிய வைத்தியசாலையின் தீவிர சிகிச்சைப் பிரிவில் உயிர்ப்போராட்டத்தில் உள்ளதாக தகவல்கள் வெளியாகியுள்ளன.
முகம் மற்றும் மார்பு பகுதிகளில் கடுமையான தீக்காயங்கள் ஏற்பட்டுள்ளதாக வைத்தியசாலை வட்டாரங்கள் தெரிவிக்கின்றன.
இந்த சம்பவம் தொடர்பில் விசாரணை நடத்திய பொலிஸார், பாதிக்கப்பட்ட பெண்ணின் சட்டப்பூர்வ கணவரையே முல்லேரியா பகுதியில் வைத்து கைது செய்துள்ளனர்.
விசாரணைகளில், தீ வைப்பிற்கு பயன்படுத்தப்பட்ட பெட்ரோல் போத்தலும் முச்சக்கரவண்டியும் பொலிஸ் பொறுப்பில் எடுக்கப்பட்டுள்ளதாக கூறப்படுகிறது.
மேலும், “தீ வைத்தது தனது சொந்த மனைவிக்கே” என சந்தேகநபர் ஒப்புக்கொண்டுள்ளதாகவும் தகவல்கள் தெரிவிக்கின்றன.
குடும்ப பிரச்சினைகள் மற்றும் சந்தேகங்களே இந்த கொடூர செயலுக்கான காரணமாக இருக்கலாம் என ஆரம்பக்கட்ட விசாரணைகளில் தெரியவந்துள்ளது.
இந்த சம்பவம் தற்போது சமூக வலைத்தளங்களிலும் பரபரப்பாக பேசப்பட்டு வருகிறது.
இப்படிப்பட்ட முக்கிய செய்திகள் மற்றும் வைரல் அப்டேட்களை உடனுக்குடன் தெரிந்து கொள்ள எங்கள் பக்கத்தை Follow பண்ணுங்க!
