பிரித்தானியாவில் மலிவான வாடகையில் தங்கும் அறை கிடைக்கும் டாப் நகரங்கள்

பிரித்தானியாவில் மலிவான வாடகையில் தங்கும் அறை கிடைக்கும் முதல் 12 நகரங்களின் பட்டியில் வெளியாகியுள்ளது.

2024-ஆம் ஆண்டின் முடிவில் பிரித்தானியாவின் வாடகை சந்தை சற்று நிலையாக உள்ளதாக SpareRoom நிறுவனம் வெளியிட்டுள்ள Q4 வாடகை குறியீடு காட்டுகிறது.

கடந்த சில வருடங்களில் தங்குமிடங்களுக்கான வாடகை அதிகரித்துக்கொண்டே இருந்த நிலையில், தற்போதைய நிலைப்பாடு வாடகையாளர்களுக்கு நிம்மதி அளிக்கிறது.

2024-ஆம் ஆண்டில் அறை வாடகை சராசரியாக £738 இலிருந்து £774 ஆக உயர்ந்துள்ளது. அதாவது அதிகபட்சம் 1% மட்டுமே உயர்ந்துள்ளது. இந்த உயர்வு, கடந்த ஆண்டுடன் ஒப்பிடுகையில், மிகவும் குறைவானதாகும்.

மலிவான வாடகை நகரங்கள்:

பிரித்தானியாவின் மிகவும் மலிவான வாடகை நகரமாக Bootle (£447) விளங்குகிறது. அதனைத் தொடர்ந்து Barnsley (£465) மற்றும் Bradford (£473) நகரங்கள் உள்ளன.

மலிவான 12 நகரங்கள் (சராசரி மாத வாடகை):

– Bootle – £447

– Barnsley – £465

– Bradford – £473

– Middlesbrough – £473

– Huddersfield – £474

– Burnley – £480

– Rotherham – £483

– Stockton-on-Tees – £484

– Grimsby – £486

– Hull – £488

– South Shields – £488

– Blackburn – £493

விலையுயர்ந்த வாடகை நகரங்கள்:

Twickenham (£928) மிக விலையுயர்ந்த வாடகை கொண்ட நகரமாக உள்ளது. அதனைத் தொடர்ந்து Kingston-upon-Thames (£920) மற்றும் Epsom (£855) நகரங்களும் அதிக வாடகையுடன் உள்ளன.

ஒரு பிளாட் அல்லது வீட்டில் ஒரு அறையை வாடகைக்கு எடுப்பது ஒரு தனிநபருக்கு வாடகை செலவுகளில் பணத்தை மிச்சப்படுத்துவதற்கான பொதுவான வழியாகும். இது குறிப்பாக வெளிநாட்டு மாணவர்கள் மற்றும் இளம் தொழில் வல்லுநர்களிடையே பிரபலமாக உள்ளது.