உத்தியோகபூர்வ இல்லங்களை ஒப்படைக்காத முன்னாள் அமைச்சர்கள்: பட்டியல் பதறும் முன்னால் அமைச்சர்கள்

உத்தியோகபூர்வ இல்லங்களை ஒப்படைக்காத முன்னாள் அமைச்சர்கள்:
பட்டியல் வெளியீடு

தமக்கு வழங்கப்பட்ட உத்தியோகபூர்வ வாசஸ்தலங்களை,

முன்னாள் அமைச்சர்கள்
14 பேர், இதுவரை கையளிக்கவில்லை எனத் தெரிவிக்கப்பட்டுள்ளது.

இவ்வாறானவர்களில்,

முன்னாள் எதிர்க்கட்சித் தலைவரான ஆர்.சம்பந்தன்,

வாகன விபத்தில் உயிரிழந்த சனத் நிஷாந்த

மற்றும் முன்னாள் பிரதி சபாநாயகர் அஜித் ராஜபக்‌ஷ ஆகியோரும் உள்ளடங்குகின்றனர்.

மேலும்,

இவ்வாறு உத்தியோகபூர்வ வாசஸ்தலங்களை கையளிக்காத இன்னும் பலரது பெயர் விபரங்களும் வெளியாகியுள்ளன.

இவற்றில்,

முன்னாள் அமைச்சர் மனுஷ நாணயக்கார,

முன்னாள் மாகாண சபை மற்றும் உள்ளூராட்சி மன்ற அமைச்சர் ஜனக வக்கம்புர,

முன்னாள் போக்குவரத்து அமைச்சர் காமினி லொகுகே,

கால்நடை அபிவிருத்தி இராஜாங்க அமைச்சர் டி. பி. ஹேரத்,

முன்னாள் கல்வி இராஜாங்க அமைச்சர் அரவிந்த குமார்,

முன்னாள் விவசாய இராஜாங்க அமைச்சர் மொஹான் பிரியதர்ஷன் டி சில்வா,

முன்னாள் நகர அபிவிருத்தி மற்றும் வீடமைப்பு இராஜாங்க அமைச்சர் தேனுக விதானகமகே,

பெருந்தோட்டக் கைத்தொழில் முன்னாள் அமைச்சர் ரமேஷ் பத்திரன,

முதலீட்டு ஊக்குவிப்பு இராஜாங்க அமைச்சர் திலும் அமுனுகம ,

முன்னாள் நகர அபிவிருத்தி மற்றும் வீடமைப்பு இராஜாங்க அமைச்சர் அருந்திக பெர்னாண்டோ,

முன்னாள் ஊடகத்துறை இராஜாங்க அமைச்சர் சாந்த பண்டார

மற்றும் முன்னாள் சுகாதார அமைச்சர் கெஹலிய ரம்புக்வெல்ல

ஆகியோரின் பெயர்களும் இந்த பட்டியலில் உள்ளடங்கியுள்ளனர்.

பொதுத் தேர்தலுக்கு முன்னர் உத்தியோகபூர்வ இல்லங்களை ஒப்படைக்குமாறு அரசாங்கம் அறிவித்திருந்த போதிலும்,

மேற்குறிப்பிட்ட முன்னாள் அமைச்சர்கள் இதுவரை தமது உத்தியோகபூர்வ இல்லங்களை ஒப்படைக்கவில்லை என கூறப்படுகின்றது.